LEGAZPI CITY- Inapod na dakulang kan sarong lehislador an nangyayari ngonian sa Kamara urog na an pigsasabing pagsusururog-surog kan dating nagpapasuruway sa pagdiskutir sa legislative measures.
Pinunto ni Ako Bicol Party-list Representative Alfredo Garbin Jr. sa intrevista kan Bombo Radyo Legazpi an pigsasabing pagsurog na ni former Majority Floor Leader Rodolfo Fariñas sa Makabayan bloc.
Segun ki Garbin, dae kaini mapensar kun papanong mare-reconcile kan magkaibong na lado an mga ideya asin pigkakapotang prinsipyo dapit sa pigsasabing alyansa.
Nalilibong man si Garbin sa conformity kan alyansa sa legislative agenda kan administrasyong Duterte kun saen bistong kaalyado si Fariñas mantang garing warang nagibong marhay an presidente sa pagkontra kan Makabayan bloc.
Nahahadit man an lehislador sa “harmony” kan pagigin sarong grupo kan mga ini.
Magigirumduman na liwat na nagkaigwa nin tensyon asin sururyawan sa session sa Kamara kasuodma makalihis kwestiyunon ni Fariñas an pagkadesignar ki speaker Gloria Macapagal Arroyo.
