LEGAZPI CITY — Pigdidesganar kan Simbahang Katolika an mga Kristyano na planong magpa pako sa krus katakod kan semana sa santa huli na man sa patanid kan Departamento de Salud na posibleng magin huma ini sa salud kan mga ini.
Sa intrevista kan Bombo Radyo Legazpi ki Father Rex Arjona, pighayag kaini na dae man pighahagad ni Kristo an kulugan kan mga tawo an saindang sadiri ngani sana na maipahiling an saindang pagtubod huli ta dae na dapat na utruhon pa an sakripisyo na ginibo ni Kristo.
Dugang pa kan nasambitan na padi na kun mawot na magkaigwa nin dakulang sakripisyo, kinakaipuhan na maadalan kan mg Kristiyano an pagpadangat sa pamilya asin puunan na magin sarong responsableng tawo.
Segun ki Arjona, dakol na pwedesir na gibuhon ngani na maipahiling an pagbabago nin buhay kan sarong persona siring pagmibi kan saiyang pagkakasala, maghagad nin tawad, magpatawad asin magibo nin magagayon na bagay sa mga nangangaipo.
