LEGAZPI CITY-Nagpaluwas an nagkapirang pagirumdom an simbahan kan Quiapo o an Minor Basilica and National Shrine of Jesus Nazareno sa mga deboto
Pigpapagirumduman kan simbahan an mga deboto partikular sa mga magatendir sa ‘Blessing of Replicas of Jesus Nazareno‘ na aramon kun sain na kalsada sinda mapoon na mapila.
Ngonian na aldaw kaya kan Sabado, ika-3 kan Enero isasagibo an pagbabasbas sa mga replika kan manlain-lain na mga balangay o grupo kan mga deboto karibay an mga personal na bitbit kan mga indibidwal.
Tulong kakalsadan o lugar sa palibot kan Quiapo para sa aagihan kan pila kan nasabing pagbabasbas na napagkasunduan na kan pamunuan kan Hijos del Nazareno.
Pagirumdom kan pamunuan kan simbahan na ibitaran na magagi sa Quezon Boulevard pasiring sa entrance kan mga pila.
Mantang pasa sa mga debotong may bitbit na replika an posibleng makisabay sa Carriedo St. ngani makasabay sa pagbabasbas.
Pigeenganyar man an mga may mga behikulo na ibitaran na an pasiring sa Quiapo asin sa South sa mga oras na alas-10 nin aga hasta alas-4 nin hapon.
Mapoon an pagbabasabas sa mga replica kan Poong Jesus Nazareno na pasado ala-una bago mag-alas dos sa pagkahapon.
