Nagkapirang mga mambabatas sa Kamara an nagnigar na sarong pormal na simbag an isinumitir na simbag ni Vice President Sara Duterte sa mga impeachment complaints na saiyang pigkakahampang, mantang nanindugan an kampo kan Bise Presidente na bako parehas an pagtrato sa saiyang kaso.
Segun ki Batangas Rep. Gerville Luistro, chairperson kan House Committee on Justice, an isinumitir na consolidated verified answer ni Duterte an dae man nagsisimbag sa mga alegasyon alagad garing lakdang sana suboot ini nganing ibasura an mga reklamo.
Pig-eksplikar kan mambabatas na huli ta dae direktang sinimbag kan Bise Presidente an mga isyu, pigkokonsiderar ini na general denial asin magtetenir na nakatindog an mga alegasyon laban saiya.
Suportado ini ninda La Union Rep. Paolo Ortega V asin Manila Rep. Joel Chua, na nagsabing nagtatago sana an ikaduwang presidente sa likod kan mga teknikalidad imbes na hampangon an mga evidencia.
Sa ibong na banda, pigdepensaran kan kampo ni Duterte an saindang isinumiter na simbag.
Ipigdoon ninda na igwa nin double standard sa proseso kumpara sa mga impeachment complaints na isinangat man laban ki Presidente Ferdinand Marcos Jr.
Pigkwestyon man kan saiyang defense team an kredibilidad kan testigong si Ramil Madriaga, an suboot dating aide na pigtataram na sinugo siyang magtransfer nin dakulang kantidad nin kwarta para sa bise presidente.
