LEGAZPI CITY – Ipigdoon kan Philippine Institute of Volcanology and Seismology (PHIVOLCS) na nagpapadagos an silensyong pagbuga nin lava kan Bulkang Mayon.
Segun ki PHIVOLCS Volcano Monitoring and Eruption Prediction Division Chief Mariton Bornas sa intrevista kan Bombo Radyo Legazpi na may pagkakapareho an presenteng aktibidad kan Bulkan sa nagin aktibidad kaini kan taong 2023 na haros nagdurar nin pirang bulan an pagbuga kan lava.
Alagad an pagkakaiba suboot kaini ngonian an may nadiskubre digding paghubag o ground deformation siring man an deep magmatic intrusion na pwedesir magsabay sa presenteng pag-aalburuto kan Bulkan.
Dae man niya pighahale an posibilidad na magkaigwa nin lava fountaining asin moderately explosive activity sa mga masunod na aldaw kun kaya kaipuhan an mahigot na pagbabantay asin monitoring.
Pigtaram pa kan opisyal na pwedesir na magkaigwa nin pagragasa nin lahar sa mga salog na igwa nin volcanic deposits enkaso mamatean sa provincia kan Albay an mga makukusog na mga pag-uuran.
May mga nanonotaran man suboot sindang pahalaba sa mga lava flow siring man an pagkakaigwa nin bagong deposito sa Mi-isi, Bonga, asin Basud gullies asin an pagkakaigwa man nin rockfall events na senyales kan pagsakat kan lava.
Punto pa ni Bornas na enkaso magpadagos pa an aktibidad kan Bulkan pwedesir matambakan nin mga deposito an tulong pangenot na gullies na maresulta man sa pag-iba kan direksyon na dudumanan kan mga lava flow sa futuro.
 stressed that the silent lava eruption of Volcano Mayon continues.){kind=link}