LEGAZPI CITY-Padagos na pigbabantayan an Tropical Depression Ramil na presenteng nasa rayong 1,145 kilometro sa sirangan kan Southeastern Luzon.
Segun sa pinakahuring datos, dara kaini an kusog ki paros na nagaabot sa 45 km/h harani sa sentro asin pagbugsong na hasta sa 55 km/h.
Maluway an hiro kaini pasiring sa west-northwest.
Mientrastanto, nakataas na man an Signal No. 1 sa mga minasunod na lugar:
Sirangang parte kan ng (Tagkawayan)
Camarines Norte
Catanduanes
Camarines Sur
Albay
Norte asin sirangang parte kan Sorsogon (Donsol, Pilar, Castilla, Lungsod ng Sorsogon, Gubat, Prieto Diaz, Casiguran, Barcelona, Bulusan)
Sirangang parte kan Northern Samar (Laoang, Catubig, Palapag, Mapanas, Gamay, Lapinig, Pambujan, San Roque)
Posibleng mag-agi an nasabing raot nin panahon harani sa Catanduanes sa pagka-aga o hapon kan Oktubre 18, asin mag-lalandfall sa Aurora o Quezon sa Oktubre 19.
May posibilidad man nin pagbabago sa landfall area kun sain malagpas ini pasiring sa timog.
Mantang nasa Philippine Sea, laoman an pagkusog kani asin posibleng mag-abot sa kategoryang tropical storm sa maabot na Oktubre 18.
