LEGAZPI CITY — Arestado an sarong senior citizen na ipigkokonsiderar na most wanted sa probinsya kan Catanduanes.
Binisto an suspek na si Andres Aquino, 73 anyos, sarong balo asin tubong Brgy. Bagong Sirang sa banwaan kan San Andres.
Nasakote kan San Andres Municipal Police an suspek sa #29 East Riverside, Barangay Paltok sa syudad kan Quezon.
Si Aquino an ipigkokonsiderar na ikawalo sa provincial most wanted list kan Catanduanes huli sa kasong rape.
Pinangenotan ni SPO3 Clemente Arcilla kan San Andres an operasyon sa bisa naman kan ibinabang mandamiento de aresto ni Hon. Lelu P Contreras, Presiding Judge kan Regional Trial Court Branch 42 asin 43.
Wara man na rekomendadong piyansa an pigkakahampang na kaso kan suspek na sa ngunyan nasa kustodiya kan pulisya para sa magkakanigong disposisyon.
