LEGAZPI CITY — Pig-iimbestigaran pa kan mga otoridad an pagkagadan kan sarong senior citizen na nadiskubreng wara nang buhay sa laog mismo kan kubo kaini sa Barangay Fidel Surtida, Sto. Domingo, Albay.
Sa intrevista kan Bombo Radyo Legazpi ki P/Capt. Genevieve Oserin, hepe kan Sto. Domingo Municipal Police, nakahuba kan madiskubre an bangkay ni Rodolfo Bartolay, 66-anyos sa harong kan Hunyo 5 na pigtutubudang inatake sa pigsasapar na helang.
Segun ki Oserin, pigkakarkulong tulong aldaw nang gadan an drug surrenderer na haros 10 taon namang nagsosolo sa buhay makalihis bayaan kan agom.
Istorya pa kan hepe, nakulong kaya an lalaki asin dae naman nag-ibanan kan agom kan makaluwas sa karsel.
Sa presente, kinua naman kan agom an bangkay kaini sa pakiolay man kan PNP.
