LEGAZPI CITY-Gadan an sarong 68-anyos na barangay tanod kan pagtatagaon ini kan sarong lalaki sa Rodriguez, Rizal.
An krimen, kinuhaan pa nin video kan suspek na nadakop na kan mga otoridad.
Basado sa impormasyon, mahihiling sa video footage na pigayos pa kan lalaki an anggulo ng saiyang cellphone camera saka nagpuwesto sa hampang kan barangay tanod na nakatukaw sa luwas kan sarong tindahan sa Barangay San Rafael, kan Miyerkules kan magagahon.
Katatapos man sana suboot maginom nin arak kan biktima asin nakainom man an suspek.
Dinara pa sa ospital an biktima alagad idineklara ining dead on arrival, segun sa mga otoridad.
Narekober sa crime scene an bolo asin cellphone na ginamit sa krimen.
Nahahampang sa reklamong murder an suspek, na nakakulong sa presente sa custodial facility kan Rodriguez Municipal Police.
