LEGAZPI CITY — Irido an sarong senior citizen asin duwang iba pa sa nangyaring banggaan nin sarong traysikel asin motorsiklo sa P5 Bgy San Antonio, ciudad kan Tabaco.
Nabisto an mga nairido na sinda Salvador Camato 82-anyos na residente kan nasabing lugar, drayber kan traysikel; Rachelle Bongon Callao, 34-anyos na nagmamanehar man kan motorsiklo asin backride na si Hedelina Mamogay Llaneta, na anas residentes kan Brgy. Buang sa nasabing syudad.
Sa imbestigasyon kan otoridad, nagluluwas na nagdadalagan an duwang behikulo sa magkasuway na direksyon sa kahalabaan kan tinampo sa nasabing lugar, kan biglang mag-U turn an traysikel asin makaon an linya kan motor.
Huli digdi nagkabanggaan an duwang behikulo na nagresulta sa pagkakairido kan mga biktima.
Marikas man na naidalagan sa ospital an mga biktima tangarig na matawanan nin medikal na tratamento.
Sa ngonian, pinag-oolayan na man kan mag-inibong na kampo an magiging disposisyon katakod kan insidente.
