LEGAZPI CITY- Aminado an sarong political analyst posibleng warrant of arrest na an masunod na ipapaluwas kasunod kan pagpapangaran kan International Criminal Court sa nagkapirang mga dati asin presenteng opisyal kan nacion bilang bilang co-perpetrators sa drug war case ni dating Presidente Rodrigo Duterte.
Marurumduman na kaibanan digdi sinda Senator Ronald Bato dela Rosa asin Senator Bong Go.
Segun ki Atty. Michael Henry Yusingco sa intrevista kan Bombo Radyo Legazpi na posibleng magpadagos na an pag-usad kan kaso.
Inako man kan opisyal na warang kakayanan an Senado na protihiran an duwang senador.
Paliwanag kaini na dae pwedesir na kupkupon Senado o magtago sa Senate building an nasabing mga senador huli ta pwedesir sindang dakupon kan mga otoridad enkasong igwa na nin mandamiento de aresto an mga ini hali sa International Criminal Court.
