Suportado ni Senate Minority Leader Koko Pimentel an propuestong langkawan an bayad sa mga paratukdo asin poll workers para sa paparaning pirilian sa masunod na taon.
Nangapudan man an opisyal na magin exempted sa buwis an election-related benefits asin allowance kan mga paratukdo na magbabantay sa 2025 midterm elections.
Paliwanag kaini na importante an mandato kan mga paratukdo kan siertuhon na malinig asin matrangkilo an pirilian.
Dugang pa ni Pimentel na dae man maibitaran na malaag sa alanganin an buhay kan mga paratukdo asin poll workers na nasa election hot spots.
Segun sa senador na an diit na benepisyo na ini na dae dapat ipagkait sa mga paratukdo asin poll workers.
Suportado man kaini an propuesto kan Alliance of Concerned Teachers na langkawan an honoraria, allowance, asin legal na proteksyon para sa mga paratukdo na magsiserbing miyembro kan Board of Election Inspectors.
