Kusang-loob na pigtutugutan ni Senador Robin Padilla an pagsasapubliko kan saiyang Statement of Assets, Liabilities, and Net Worth (SALN).
Sa sarong surat na ipinadara niya sa Senate Secretary kan Miyerkoles, sinabi ni Padilla na nagtatao siya nin permiso nganing iluwas an bilog na detalye kan saiyang SALN alinsunod sa mga nag-iiral na ley.
Dugang pa niya na nagtutubod siya sa prinsipyo na “Public office is a public trust,” asin bukas siyang masiyasat kan publiko bilang sarong lingkod-bayan.
Magigiromdomang sinabi ni Senate President Tito Sotto na kokonsultahon niya muna an mga kapwa senador katakod kan pagsasapubliko kan saindang mga SALN, makalihis baliktadon ni Ombudsman Boying Remulla an naenot na desisyon na naglilimita sa access kaini.
