LEGAZPI CITY-Nagsuko na si Senador Rodante Marcoleta makalihis tuluyang isyuhan kan Sandiganbayan nin warrant of arrest katakod kan P75 million plunder case na isinangat laban sa saiya.
Presenteng nasa Camp Crame na an senador ngani magsairarom sa booking procedure.
Sinabi ni Marcoleta na piglaoman na niya an pag-isyu sa saiya nin warrant asin nanindugang nakahanda siyang hampangon.
Bago pa ini, nagpasiring si Marcoleta sa Sandiganbayan kansubagong aga ngani magatendir sa pagdangog sa saiyang plunder case katakod kan suboot dai pagdeklara kan campaign donations na naresibe niya kan 2025 senatorial elections.
Nagsangat si Marcoleta nin nagkapirang mosyon kaiba an hirit na ibasura an kasong plunder alagad nakahiling nin probable cause an anti-graft court, na nagresulta sa pag-iisyu nin arrest warrant laban sa senador asin tulong iba pa.
