Pigduon ni Senator Loren Legarda na kaipuha na magin malinaw an pag-aram kun gurano an pondo na pwedesir na gamiton hali sa 2025 asin 2026 national budget ngani na resolberan an presenteng sitwasyon.
Ini an katakod kan epekto sa Pilipinas kan tensyon sa Middle East.
Sa pagdangog kan Senate PROTECT Committee, pigduon ni Legarda na dae dapat na magtenir sana sa plano o presentasyon an mga lakdang kan gobierno, kundi dapat na mamatean kan mga namamanwaan sa paagu kan kongkretong tabang siring kan pagkaon, trabaho asin subsidiya.
Kinakaipuhan suboot akuon kan gobierno an gabat kan sitwasyon ngani na marikas na gumibo nin aksyon asin maibitaran an matinding epekto sa mga Pilipino.
Tinuyaw man kaini an mabantol na aksyon kan mga executive agencies.
