LEGAZPI CITY – Ipigsuhestyon kan sarong Political Science Professor an pag-inhibit ni Senator Jinggoy Estrada asin Senator Joel Villanueva sa Senate Blue Ribbon Committee hearing mapadapit sa mga anomalya sa mga flood control projects kan gobierno.
Segun ki FEU Political Science Professor Francisco Riodique intrevista kan Bombo Radyo Legazpi na importante an pag-inhibit kan duwa nganing magkaigwa pa sinda nin kredibilidad huli ta dae ninda gagamiton an hearing nganing linigon an saindang sadiri.
Pabayaan na sana suboot na magluwas an totoo kun talagang imbwelto sinda sa nangyaring korapsyon sa mga proyekto kan gobierno asin dae na dapat tawan nin additional time sa hearing huli ta nagluluwas na mas halaba an saindang oras na depensaran an saindang sadiri.
Pagdoon niya man na dapat iluwas na sana kan duwang senador an saindang sadiri sa mga imbestigasyon kun talagang igwa sindang delicadeza urog na kun sa hiling ninda an wara sindang kasalan asin nganing dae na magkaigwa pa nin conflict of the interest.
Pigtaram pa kan naunambitang propesor na dakula an epekto kan mga desisyon ni Senate pro Tempore Ping Lacson sa Senate Blue Ribbon Committee hearing partikular na sa dalagan kan presenteng pulitika kan Pilinas huli ta nagdududa ngonian an namamanwaan sa institusyon kan gobierno kawsa kan mga eskandalo asin anomalyang nagruluwasan.
Posible man suboot na mabago an dalagan kan pulitika sa nacion tuyong panahon nin pirilian an mga nangyaring katiwalian sa flood control project kan gobierno partikular na an 2028 Presidential Election.
Punto man ni Riodique na pwedesir mapatibay an satuyang institusyon kun enkasong tama an desisyon kan mga mambabatas sa paagi kan pagbantay sa paglaog kan mga pigsasabing insertions sa National Expenditure Program na posibleng magbawas sa korapsyon.
