Opisyal nang nanumpa si Senator-elect Bam Aquino sa saiyang hometown sa probinsiya kan Tarlac ngonian na aldaw.
Pinangasiwaan ni Conception Mayor Noel Villanueva an panunumpa ni Aquino sa isinagibong seremoniya sa Conception Municipal Government Center.
Presente man sa panunumpa ni Aquino sinda Tarlac 1st District Rep. Jaime Cojuangco asin 3rd District Rep. Bong Rivera.
Ipinaliwanag ni Sen.-elect Aquino na wara siyang ibang maisip na magayon na lugar nganing gibuhon an saiyang panunumpa sa pwesto afuera sa Conception, Tarlac.
Pigrumdom man niya na kan saindang panahon sa Senado, pig-aapod sinda bilang ‘gentleman from Tarlac’ na saro suboot na honra asin mawot niya ining maibalik.
Magigirumdumang dati na mang nagsirbing Senador si Bam sa sarong termino poon 2013 hasta 2019.
Sa 2025 midterm elections, puminangduwa si Aquino na nakakuwa nin pinakahalangkaw na boto sa pagka-Senador.
Nakatalaang opisyal na magtukaw sa pwesto si Aquino kasabay kan mga nanggana sa nakaaging pirilian sa Hunyo 30.
