Ipigbubusol ni Senador Ronald “Bato” dela Rosa an pag-amyenda sa Republic Act 11696 o an Marawi Siege Compensation Act of 2022 ngani na mapahewas pa an listahan kan mga barangay na igwang pamilyang naapektaran kan Marawi Siege.
Paliwanag kan senador na kinakaipuhan na mabayadan an mga biktima sa mga barangay na dae kaibanan sa listahan kan Main Affected Areas o Other Affected Areas.
Kan Setyembre ipigsunad ni Dela Rosa an Senate Bill 2828 na obhetong amyendaran an RA 11696 asin sa pagpapaotob kaini, binanggit kan senador an mas dakol na claimnants asin civil organizations na nangangapudan sa rekonsiderasyon kan aplikasyon para sa fair market value sa pagtukoy kan monetary compensation.
Napag-araman na pigkokunsiderar kan Senate special committee an pagsasabay kan mas dakol na mga barangay afuera sa Bubonga sa listahan kan mga lugar na binayadan kan gobierno makalihis an danyos kan Marawi Siege.
Ini makalihis an apela na igwang 64 na barangay an dapat na isabay sa listahan kan Other Affected Areas.
Huli digdi, inenganyar ni Dela Rosa an Office of Civil Defense na magtaong post-conflict needs assessment ngani na magkaigwa nin basehan an kompensasyon.
