Nagpalyar na magpahiling liwat si Senator Ronald “Bato” Dela Rosa sa pagbabalik kan sesyon kan Senado kan Lunes.
Sa liwat na pagbukas kan sesyon kan Senado, 22 sana an nag-atendir digdi kun sain solamenteng si ” Dela Rosa sana an wara.
Sa sarong ambush interview sinimbag ni Senate President Vicente “Tito” Sotto III na dae man giraray niya personal na nakakaulay an senador. Segun saiya, ikinakigkig niya man suboot kun pano ini nakapirma sa iniluwas na minory report kan minority bloc katakod kan hearing kan blue ribbon committee sa mga suboot anomalya sa flood control projects.
Dugang pa ni Sotto, wara man suboot siyang kinaaraman sa kinaroroonan ni Dela Rosa.
Mientrastanto, dae na liwat na nahiling pa si Dela Rosa makalihis an huring laog kaini sa Senado kan Nobyembre 2025 katakod kan suboot pagsirbi nin warrant of arrest laban saiya gikan sa International Criminal Court mapadapit sa saiyang partisipasyon sa war on-drugs kan administrasyong Duterte na nahahampang sa kasong Crimes against humanity.
