Wara daang pakiaram si Senador Ronald Bato Dela Rosa kun AI-generated man an ipigheras niyang video sa saiyang social media kan nakaagi.
Magigirumduman, sa nasabing video, mahihiling an pagtutol kan tulong estudyanteng lalaki sa impeachment trial laban kay Vice President Sara Duterte.
Segun sa mga ini, abo nindang litison an bise bilang politically motivated sana ini atsin paagi kan pagsi-single out sa bise.
Dugang pa kan mga ini, kun gusto daa talaga kan mga opisyales na malinig an nacion an dapat na imbestigaran ining maray.
Sa ibong na lado nakatanggap nin kadakol na bashing an senador mapadapit sa AI post na ini, sinabi niya na may punto man an aki asin an mensahe an pighihiling niya digdi.
Nangapodan an Malacañang sa mga opisyal kan gobierno na magin responsable sa pagheheras nin impormasyon.
Segun kay Palace Press Officer Claire Castro, makahandal kun an pinagpupunan kan disimpormasyon an hale mismo sa mga halangkaw na opisyal kan gobyerno.
Bako sana suboot ini nagpapalakop nin salang impormasyon, kundi nakakabawas pa sa tiwala nkan publiko sa mga lider kan nacion.
Maski dae kinakaipuhang hmaghagad nin dispensa kun an pag-share kan video an bunga kan bako intensyonal na pagkasala, ipigdoon ni Castro na dapat suboot na akuon kan sisay mang opisyal an saindang pagkakasal, urog nang pwedesir ining makaapektar sa pananaw kan publiko.
Pigtawan doon kan Malacañang na may responsibilidad an kada opisyal kan gobierno sa saindang mga sinasabi asin pighihiro, urog na sa orolay na may dakulang epekto sa sambayanan.
