Nagkasimbagan sinda Senator Ronald ‘Bato’ Dela Rosa asin Brig. General Nicolas Torre III kan mapag-olayan an pagsisirbi kan kapulisan nin arrest warrant kontra ki Kingdom of Jesus Christ founder Apollo Quiboloy.
Marurumduman na parehong nag-atendir an duwang opisyal sa Senate Inquiry kan Senate Committee on Justice and Human Rights asin Senate Committee on Public Order and Dangerous Drugs sa Davao City.
Nagkapirang bes na pinapundo ni Senator Dela Rosa an kasimbagan ni General Torre sa mga isyu na may kinaaraman sa KOJC asin pigduon pa kan senador na siya an magdedesisyon dapit sa pag-usad kan pagdangog bilang pamayo kan komite.
Marurumduman na si Torre an presenteng Regional Director kan Police Regional Office-11 na nangengenot sa pagsisirbe nin mandamiento de aresto kontra ki Quiboloy.
