LEGAZPI CITY-Ipig-anunsyo ni Senater President Vicente Sotto III nag-anunsyo na dai na kaipuhan an dagdag na alokasyon nin pondo sa irarom kan propuestong budget para sa taon 2026 kasunod kan anunsyo ni Presidente Ferdinand Bongbong Marcos Jr. manungod sa paglangkaw kan sweldo kan mga miyembro kan military and uniformed personnel (MUP).
Segun kay Sotto, basado sa saiyang impormasyon asin kaaraman, an executive department sa presente igwa nin supisyenteng savings ngonian na taon na pwedisir itagama asin magamit para sa paglangkaw kan base pay kan mga MUP.
Ipighayag man kan Senate President an saiyang bilog na suporta sa plano kan Presidente na ipaotob an paglangkaw kan sweldo kan mga miembros kan MUP.
Dugang pa kaini, na ini sarong importanteng lakdang para maparahay an kamugtakan kan mga miembros kaini.
Bago pa man ini, makusog na nanindugan si Presidente Marcos na tama asin rasonable sana na dagdagan an base pay kan mga MUP, bilang pagmidbid asin pag-apresyar sa saindang warang patod na sakripisyo asin dedikasyon sa pagserbi sa satuyang nasyon, orog na sa pagresponde sa sunod-sunod na mga kalamidad.
