Maduong pinahimutikan ni Senate President Vicente ”Tito” Sotto III an pahayag ni dating presidential legal counsel Atty. Salvador Panelo na igwang nagkapirang senador suboot na nakapagdesisyon na kontra sa nakatalaan na impeachment trial ni Vice President Sara Duterte.
Segun ki Sotto, magtetenir na patas asin warang pigkikilingan an Senado sa pagdangog, asin hahalaton ninda an mga ebidensyang ilalatag sa impeachment proceedings.
Enot digdi, sinabi ni Panelo na sinda Sotto asin Senador Panfilo Lacson, Sen. Risa Hontiveros, asin Senator Kiko Pangilinan suboot an nakapag desisyon na sa magiging boto sa impeachment trial kan bise presidente.
Afuera digdi, naghahanda na an Senado sa posibleng paglipat kan Articles of Impeachment hali sa Kamara de Representates.
Segun ki Sotto na nagkaigwa man sinda nin informal dinner meeting kaibanan an nagkapirang miyembro kan majority bloc ngani na tukaron an pinaglalaoman na legal asin political proceedings, alagad nilinaw bako ini opisyal na caucus.
Dagdag pa kaini na nagre-review siya kan mga legal process bilang paghahanda sa saiyang papel bilang presiding officer kan impeachment court.
