Nagpaotob nin mas mahigot na seguridad sa Senado asin sa palibot kaini.
Segun ki Senate President Pro Tempore Sherwin Gatchalian na nakaresibe nin intelligence report na igwang huma sa halangkaw na kapulungan.
Afuera sa pag-implementar nin inspeksyon sa mga behikulo, nag-set up man nin mga security perimeter barriers sa luwas kan gate kan Senate building.
Paliwanag ni Gatchalian na igwang naresibe na mga impormasyon, kaibanan na an hali sa National Bureau of Investigation, na igwang pwedesir na mangyari sa Senado.
Huli digdi, nakikipag koordinar na man suboot sinda sa mga intelligence agencies urog na sa NBI ngani na maipagpadagos an intelligence gathering.
Nagsayuma man an opisyal na magtao nin dugang pang mga detalye dapit sa impormasyon.
