Sinierto ni Senate President Francis “Chiz” Escudero na dae matugot an Senado na laugon ini kan mga otoridad asin arestaron si Senador Ronald “Bato” dela Rosa.
Ini an kun mahagad nin proteksyon asin magtenir sa Senado si dela Rosa enkasong magpaluwas nin mandamiento de aresto an International Criminal Court kontra sa senador.
Marurumduman na si dela Rosa an mayor na nagpaotob kan madugong war on drugs durante kan administrasyon ni dating Presidente Rodrigo Duterte.
Sinabi ni Escudero na kinakaipuhan na magibo an gabos na mga legal na remedyo sa kaso ni dela Rosa.
Dae suboot ini nakabase sa ley alagad nakabase sa institutional courtesy kun sain dae tutugutan kan Senado na arestaron an siisay man na miyembro sa laog urog na kun igwang sesyon.
