Hinagad kan Senate committee on women, children, family relations, and gender equality sa korte sa Pasig City asin Quezon City na tugutan sinda Kingdom of Jesus Christ leader Apollo Quiboloy na mag-atendir sa pagpapadagos kan imbestigasyon dapit sa mga alegasyon nin human trafficking asin sexual abuse sa October 23.
Ipigheras kan opisina ni Senate Deputy Minority Leader Risa Hontiveros an kopya kan surat para sa Pasig City Regional Trial Court Branch 159 Presiding Judge Elma Rafallo-Lingan asin Quezon City RTC Branch 106 Presiding Judge Noel Parel.
Afuera ki Quiboloy, hinagad kan komite sa Pasig City court an presensya ni Quiboloy asin mga kapwa akusado na sinda Jackielyn Roy, Cresente Canada, Paulene Canada, Ingrid Canada, asin Sylvia Cemañes.
Marurumduman na kan Marso, nagpaluwas an Senado nin arrest order kontra ki Quiboloy huli sa pagsayuma na mag-atendir sa Senate Committee on Women, Children, Family Relations and Gender Equality.
Nadakop si Quiboloy kan Setyembre 8 asin naka detine sa PNP Custodial Center sa Camp Crame.
