Naghuma si Senadora Risa Hontiveros na ipapaarestar an suspendidong alkalde kan Bamban, Tarlac na si Mayor Alice Guo kung dae man giraray ini maatindir sa pagdangog kan Senado.
Sa Miyerkules nakatalaan na magsagibo naman nin pagdangog an Senado manungod sa mga anomalya sa Philippine Offshore Gaming Operators hub sa Bamban.
Segun kay Hontiveros, nakapagpadara na an Senado nin subpoena para sa alkalde.
En kasong dae ini mag-atindir sa pagdangog, posibleng padarhan na nin arrest warrant.
Alagad naenot naman na sinabi kan kampo ni Guo na dae ini makakaatindir huli sa stress asin trauma sa pagdangog kan Senado.
