Pigtawan doon ni Senadora Pia Cayetano an importansya kan pagturo nin “age-appropriate” sex education sa tahwa kan mga batikos na nareresibi nin Senate Bill 1979, o mas midbid bilang Prevention of Adolescent Pregnancy Act of 2023.
Segun kay Cayetano, bako siya tutol sa ipigbubusol na propwesto partikular an pagtugon nganing labanan an krisis sa teenage pregnancy.
pig-eksplikar kan senadora na an age-appropriate sexual education iyo an pag-aram kan mga joven patungkol sa saindang body parts.
Pigtaram ni Cayetano na naka-olay na niya si Senadora Risa Hontiveros, an may-akda kan propwestong ley asin kung pano siya makaaambag sa pagpapaigting sa bill.
Enot nang tinuligsa ni Hontiveros an mga piggagapong batikos sa propwestong ley.
Ibinasura na ni Hontiveros an nagkapirang mga batikos na iginapo sa propwestong ley bilang “false information”.
Piglinaw kan senadora na warang mga probisyon mapadapit sa pagturo o pag-enganyar nin masturbation sa mga omboy na may edad na zero hasta kwatro anyos, o anumang pagturo na diumano an nagtuturo nin “bodily pleasure sa mga joven na may edad na anom hasta 9 anyos, o an mga joven an tuturuan kan saindang “sexual rights.”
