Pinahimutikan ni Senador Christopher “Bong” Go an mga naglalakop na bareta sa social media na may malalang kondisyon si dating Presidente Rodrigo Duterte.
Ngani na maprobaran na bako ining totoo, nagpost an senador kan picture ni Duterte na nagkakaon nin prutas sa saiyang harong sa Davao.
Ipigheras pa ni Go an saro pang picture ni Duterte kaiba an partner kaini na si Honeylet Avanceña.
Insegurar man kan Senador na bakong totoo an mga naglalakop na bareta sa social media huli ta makusog asin dae pa man nin mamamatiang malalang helang an dating Presidente.
Magigirumduman na enot naman na napabareta na nagadan na si Duterte, bagay na pinahimutikan man kan Senador
