LEGAZPI CITY- Inihayag kan sarong Political Science Professor na an impeachment trial an bako sana patungkol ki Vice President Sara Duterte kundi magin sa Senado.
Segun ki UST Political Science Professor Paul Micah Francisco sa intrevista kan Bombo Radyo Legazpi na isasairarom man sa paglilitis kan publiko kun papano an pagkapot kan mga senador sa nasabing orolay.
Digdi suboot mahihiling kun siisay an patas asin siisay an mga senador na igwang sinabi sa dalagan kan paglilitis.
Dugang pa kaini na pinakamatinding isasairarom sa trial iyo an presiding officer huli ta pighihiling kun papano pigbabalanse an argumento kan depensa asin kan prosekusyon.
Mientras tanto, sinabi ni Francisco na dae man maiibitaran na igwang nagkapirang senador an pigpo-posisyon na an saindang mga sadiri sa political market para sa 2028 elections.
An impeachment court an nagagamit suboot kan nagkapira para sa saindang pansadiring interest.
