Pig-aadalan ngunyan kan Mataas na Kapulungan kan Kongreso kun pano mapaparikas an proseso kan impeachment trial proceedings na dae naaapektaran an iba pang importanteng gibiohon kan gobierno.
Segun ki Senate President Sherwin Gatchalian, pigkarkulong maabot kaya nin pito hasta walong bulan an impeachment trial ni Vice President Sara Duterte.
Kun mapuon an paglilitis sa Hulyo 6, posibleng matapos ini bandang Pebrero kan masunod na taon.
Alagad aminado ang Senate President na magiging difisil an saindang iskedyul hul kasabay kaini an iba pang importanteng trabaho, siring kan pagdiskotir kan 2027 national budget, mga imbestigasyon sa mga isyu siring kan suboot problema sa flood control projects, asin iba pang panukalang batas.
Huli digdi, pig-aadalan kan Senado kun pano pahahaliputon an proseso kan paglilitis.
Kabale sa mga posibleng lakdang an pakikipag-olay sa kampo kan prosekusyon asin depensa nganing bawasan an numero kan mga testigo asin gibohong mas marikas an paglalahad kan mga ebidensya.
Segun ki Gatchalian, may labi sa 10,000 dokumento asin ebidensya na pwedesir pag-adalan sa kaso. Kun gabos ini an saro-sarong itutukar, pwedesir mas maghalaba pa an paglilitis.
Siring man, sinabi ni Gatchalian na iluluwas kan Senado ang pre-trial order asin tatawan an magkabilang panig nin tulong aldaw nganing magsumite kan saindang komento bago ang pormal na pagpupuon kan paglilitis.
Afuera digdi magpapaotob man an Senado nin mas mahigot na seguridad sa laog asin palibot kan edificio nganing masierto an maayos na daloy kan impeachment proceedings.
Segun pa ki Gatcalian, personal niyang pig-adalan an naging impeachment trial ni dating Chief Justice Renato Corona kan 2012 nganing makakua nin mga notes na pwedesir gamiton sa presenteng proseso.
Sinabi niya na dakulang parte kan paghahanda an pinangengenotan ni Senate Secretary at Clerk of Court Atty. Rey Bantug, kaiba an iba pang opisyal kan Senado.
