Sinierto ni Senate President Vicente ”Tito” Sotto III na tulos na aaksyunan kan Senado an Articles of Impeachment kontra ki Vice President Sara Duterte sa oras na maipasa ini kan Kamara de Representantes.
Segun ki Sotto, an “Forthwith” an nangangahulugan na mahiro an Senado sa masunod na mga aldaw makalihis maresibe an impeachment articles.
Huli digdi, nagpaapod siya nin meeting sa mga senador ngani na paghandaan an posibilidad na maging impeachment court.
Enot ng nagdesisyon an House Justice Committee na igwang bastanteng basehan an mga reklamong impeachment kontra ki Vice President Sara.
Masunod na tutukaron ini sa plenaryo kan Kamara, kun sain pagbobotohan kan mga lehislador kun aaprubaran an rekomendasyon.
Kun maaprubaran. magiging opisyal na Articles of Impeachment an reklamo asin ipapasa ini sa Senado, na magseserbing hukuman sa paglilitis.
An mga senador an magseserbing hukom ngani na aramon kun igwang bastanteng ebidensya ngani na patalsikon sa pwesto an bise presidente.
