Pabor si Senate President Chiz Escudero sa suhestyon ni Defense Secretary Gilberto Teodoro Jr. na punduhon an operasyon kan mga Philippine Offshore Gaming Operators (POGO) na harani sa mga base militar kan Armed Forces of the Philippines.
Segun ki Escudero, pabor siya sa narisa kan opisyal na dae man nag-o-operate na uyon sa kadaklan.
Katunayan, dapat sana na ipasarado an gabos na iligal na POGOs, harani man o bako s mga military bases.
Sa ibong na lado, kun mga legal na POGOs man an pigsasabi ni Teodoro dapat na pahalion harani sa mga base militar.
Dapat man suboot ini diskutiron muna sa pagultangan kan PAGCOR huli ta imbwelto digdi an isyu kan national security.
Sa enot na pahayag ni Teodoro, tinawang duon kaini na dapat ipundo na an mga syndicated criminal activities na nag-ooperate harani sa mga military bases huli ta pigpapaluya an pananalapi, ranit kan nacion asin pigraraot an mga komunidad.
