LEGAZPI CITY-Kinuwestiyon sa Senado an Department of Energy (DOE) huli sa kawaran kaini nin pag-tipon o stockpiling, kasunod kan patanid kan ahensya na posibleng mag-atubang an Pilipinas sa sitwasyon kun sain lubos nang mauubusan nin krudo.
Durante kan hearing kan Senate Protect committee na binilog ngani pag-olayan an epekto kan tensyon sa Middle East sa nasyon, makusog na pigtuyaw ni Sen. Loren Legarda nakagapos an kamot kan gobyerno huli sa Oil Deregulation Law na suboot nakakaulang sa pagtipon nin reserbang langis sa nacion.
Segun sa senador, an paghahanda sa krisis bako man pakikiaram sa pribadong negosyo kundi sarong importanteng obligasyon kan gobyerno.
Hinagad man niya sa ahensya an direktang paliwanag sa pahayag na magkakaigwa nin tagtuyot.
Tinawan doon pa ni Legarda na dapat ipaintindi sa labi 110 milyong Pilipino kun ano an magiging epekto kaini, orog na sa mga ordinaryong namamanwaan asin sa sektor kan agrikultura.
