Madesisyon ngunyan na Lunes, Hulyo 20, ang Senate impeachment court kun pagbibigyan ang mosyon kan prosekusyon na magpaluwas nin subpoena para makuaan bank asin tax records ni Vice President Sara Duterte asin kan saiyang agom na si Atty. Manases Carpio.
Segun sa impeachment court, pag-adalan muna kan senator-judges ang mosyon makalihis madangog an lado kan prosekusyon asin depensa.
Sa ginibong caucus, tinalakay kan mga senador an kahagadan kan prosekusyon, mantang sinabi ni Impeachment Court Presiding Officer Francis Escudero na kaipuhan pa ining masuri huli sa bako pa gabos kan senador an natatapos na basahon an mga memorandum na isinumite kan magkabilang panig.
Segun ki Senate Impeachment Court Spokesperson Atty. Reginald Tongol, ang mga senador sana na maatendir sa sesyon ang makaboboto sa mosyon.
Kaipuhan na makakua nin dae mababa sa 11 boto an Senado kan impeachment court ang saindang kahagadan.
Segun ki Atty. Benjamin Tolosa Jr., tagapagtaram kan prosecution panel, matibay suboot an saindang basehan sa paghagad na maisumite ang mga dokumento.
Ipigdoon man niya na an impeachment proceedings an kabale sa mga exceptions sa bank secrecy laws, kaya pwedesir suboot hagadon an nasabing mga record bilang parte kan paglilitis.
