Inengganyar ni Senadora Risa Hontiveros ang Senado asin Kamara na ipasar na an propwestong minimum wage hike—kun saen tinawan-duon kan Senador na dae dapat ini pabayaan ngunyang patapos na an 19th Congress.
Pagdoon ni Hontiveros, duwang sesyon na sana an natatada sa presenteng Kongreso asin dapat na suboot na diskotiron an propwesto na matao nin umento sa sahod kan minimum wage workers sa pribadong sektor.
Dugang kan senadora, dapat na magpaapod nin bicameral conference committee nganing pagsaruon an magkaibang probisyon kan propwestong ley sa minimum wage gikan sa Kamara asin Senado.
Siring man nangapudan an lehislador sa saiyang mga kapwa senador, partikular na ki Senate President Francis “Chiz” Escudero, na tulos aksyunan an isyung ini.
Tinawan-duon ni Hontiveros na sa tahaw kan isyu sa impeachment, dapat tawan nin patas na kaimportansyahan an isyung ini, huli ta dakol na obrero na naggaganansya nin minimum wage an naglalaom digdi.
