Nagpatanid an sarong legal expert na posibleng mahampang sa paninimbagan si Senator Robin Padilla katakod kan pagtakas ni Senator Ronald Dela Rosa hali sa Senado mantang nagsasagibo nin operasyon an NBI ngani na ipaotob an ICC arrest warrant.
Segun sa report na preparado si Padilla na magsairarom sa imbestigasyon asin ipigduon na warang iligal na ginibo sa insidente, asin sinunod sana ninda an naga iral na patakaran kan Senado dapit sa koordinasyon asin pangangaipo kan court order antes an anuman na pag-aresto.
Marurumduman na nauli sa tensyon an insidente makalihis na baluon kan NBI na ipaotob an ICC warrant kontra ki Dela Rosa, na nasa irarom kan Senate protective custody.
Huli digdi, nagluwas an isyu na igwang nangyaring obstruction of justice asin kun siisay an dapat mapanimbag.
Sa irarom kan Presidential Decree 1829, pwedesir na makasuhan an siisay man na matabang o magkupkop sa sarong indibidwal ngani na maka ibitar sa pag-aresto.
Mientras tanto, banga man an mga legal experts kun sain kaini an ICC warrant o limitado sana sa domestic criminal cases.
