Tinuyaw ni senator-judge Raffy Tulfo an House prosecution panel huli sa pagsalang suboot nin mga witness na wara man na bastante na maitatabang sa impeachment trial ni Vice President Sara Duterte.
Segun ki Tulfo, igwang pagkakataon na nasasayang sana nin oras an paglilitis huli sa mga witness na garing dae man kaipuhan para sa pagdangog.
Paliwanag kaini na maririsa man na nawawara sa atensyon an nagkapirang senador mantang ipigsasagibo an paghahapot sa nagkapirang witness.
Ipigduon ni Tulfo na dapat siertuhon kan prosecution na lambang witness na saindang isasalang an igwang importanteng impormasyon na makakatabang sa imbestigasyon sa impeachment case.
