Tinuyaw ni Mamamayang Liberal Party-list Representative Leila De Lima an suboot mistulang pag-aataman ni Senador Rodante Marcoleta sa interes kan China.
Segun ki De Lima, na imbes na magkampi sa Pilipinas an senador an gari mas nagpapabor pa siya sa China – mistulang ipigdepensa an nasabing nacion, asin pig-atamanan an interest kaini sa West Philippine Sea.
Imbes na kampihan ni Marcoleta ang Philippine officials na inaatake kan Chinese Embassy na nakabase sa Manila, an mistulang pinapanigan pa suboot niya an mga opisyal kan embahada.
Dae na man ipigngalas ni De Lima an bansag kan pirang Pilipino saiya asin sa ibang mga Senador bilang ‘Tsinador’.
Segun sa lehislador, ‘welcome’ ang nilulutong ‘friendly debate’ sa pagultangan ninda Marcoleta asin dating Supreme Court Associate Justice Antonio Carpio nganing lalo pang magkaigwa nin mas mahewas na kaaraman sa West Philippine Sea asin maipahiling suboot kun sisay an tunay na may pagpadangat asin pagpapahalaga sa Pilipinas.
Pabor man su De Lima na hampangon ni Carpio si Marcoleta nganing pag-ulayan an direchos kan Pilipinas sa pinag-aagawang kadagatan, bagay na pamilyar asin eksperto an dating mahistrado kan kataas-taasang hukuman.
Binalikan man ni De Lima an pagiging miyembro ni Carpio sa delegasyon kan Pilipinas na naghampang sa Arbitral Tribunal sa The Hague, Netherlands nganing panindugan an claim kan Pilipinas sa WPS, na kinalaunan naipanggana kan nacion.
