Nanindugan si Senate President Pro Tempore Panfilo Lacson na warang bastantng ebidensya na nagi-imbwelto ki dating House Speaker asin Leyte Rep. Martin Romualdez sa anomalya sa flood control scandal.
Segun sa senador na alagad igwang mga alegasyon na nagi-imbwelto sa dating House leader sa nabunyag na anomalya sa flood control, warang bastanteng ebidensya na magpapatunay na konektado siya sa nasabing iskandalo.
Enot ng nagluwas sa inisyal na report kan Senate Blue Ribbon Committee na nagrerekomenda sa pagsusunad nin kaso kontra ki Sen. Chiz Escudero, Sen. Jingoy Estrada, asin Sen. Joel Villanueva asin iba pang mga personalidad.
Alagad sa binagong partial report, ipigrekomendar an pagsasagibo nin preliminary investigation kontra sa nasabing mga pangaran.
Dae man kaibanan sa revised report an pangaran ni Romualdez.
Paliwanag ni Sen. Lacson na chairman kan nasabing komite, an rekomendasyon para ki Romualdez iyo an nagpapadagos na fact-finding efforts kaibanan an financial scrutiny o pag-aadal sa yaman kan presidential cousin.
