Tinuyaw ni Senator Panfilo “Ping” Lacson si Senator Alan Peter Cayetano makalihis ining liwat na magsagibo nin Facebook Live broadcast, katakod man liwat kan krisis sa liderato kan Senado.
Sa sarong post sa X (dating Twitter) kan Domingo, Hunyo 7, sinabi ni Lacson na mas marhay na mag-Facebook Live na sana si Cayetano kun wara man ining makusog na basehan sa ley asin mga katotoohan sa saiyang mga argumento.
Ginamit man ni Lacson an sarong bistong kasabihan sa lado kan ley ngani na ipahayag an saiyang punto.
“‘When you’re strong on the law, pound the law. When you’re strong on the facts, pound the facts. When you’re weak on both…’ — mag-Facebook Live ka na lang,” segun ki Lacson.
Kinuwestyon man kan senador an pagklamar ni Cayetano sa liderato kan Senado sa ibong kan suboot kawaran nin pagbisto hali sa manlain lain na institusyon asin personalidad.
Segun pa ki Lacson na garing Facebook Live broadcasts na sana an pangenot na paagi ni Cayetano ngani na ipahayag an saiyang mga posisyon sa tahaw kan naga iral na sigalot sa Senado.
Mientras tanto, pinahimutikan man ni Lacson an pinakabagong alegasyon ni Cayetano na nakipagsabwatan suboot siya sa Malacañang ngani na iduon an nagkapirang personalidad sa kontrobersiya katakod kan mga flood control projects mantang pigpo protehiran man an iba.
