Ibinuyagyag ni Senator Panfilo “Ping” Lacson na igwa suboot na alokasyong multi-bilyong kantidad nin pork-barrel para sa nagkapirang mga lehislador.
Kun saen saro sa kongresista an makakaresibe suboot nin sagkod P15 billion.
Katakod kaini, ipighayag kan Senador na igwa sana nin P200 million na pork barrel o Priority Development Assistance Fund (PDAF) an mga Senador mantang P70 million man sa mga miyembro kan House of Representatives bago ini ideklara kan Korte Suprema bilang unconstitutional o labag sa ley.
Alagad, makalihis ideklara ining unconstitutional, suminakat na ini sa P5 billion para sa mga Senador kun saen P10 billion sa iba mantang P15 billion man sa mga kongresista.
Piggoromdom pa kan Senador na bago matapos an saiyang termino sa Senado kan 2022, sinabi ni Lacson na nagibo ninda ni dating Senator Franklin Drilon na tangkason gikan sa bicameral committee report an mga pondo para sa dredging asin flood control projects na suboot puno’t dulo kan korapsyon, alagad liwat ining nagbalik ngunyan.
Mientrastanto, plano man kan Senador na tawan nin linaw sa oras na mag-convene na an 20th congress an saiyang initial findings gikan sa pangnasyunal na pondo ngunyan na 2025.
