Inasegurar kan Bureau of Immigration na yaon pa sa Pilipinas an mga dai pa sana nahahaloy na inisyuhan nin precautionary hold departure order kan sarong korte sa Manila.
Sa nagin paghahapot kan Bombo Radyo kay Immigration Spokesperson Dana Sandoval, pigheras kaini na yaon pa sa nasyon si Sen. Jinggoy Estrada, dating Department of Public Works and Highways Sec. Manuel Bonoan, Roberto Bernardo, Henry Alcantara asin Gerard Opulencia .
Segun sa tagapagtaram na basado sa saindang monitoring, gabos sinda nagtitinir sa laog kan nasyon.
Ini makalihis na magpaluwas nin orden an Manila Regional Trial Branch 52 na pigsusugo an kawanihan na dae pagtugutan na magluwas sa Pilipinas an nasambitan ng mga indibidwal.
An nasabing mambabatas asin nagkapirang dating opisyal iyo an respondents sa plunder complaint na may kinaaraman sa anomalous flood control project.
Alagad, piglinaw kan Department of Justice na an pagpaluwas kan Hold Departure Order bako awtomatikong nangangahulugan na tapos na an hearing kan prosekusyon sa reklamo.
Segun kay Justice Spokesperson Atty. Polo Martinez, an rason kan ‘precautionary order’ iyo an huli ta nakabinbin pa an reklamo asin dae pa pormal na isinangat bilang kaso.
Huli kaini, piglinaw kan tagapagtaram na mas magkakanigong apudon na mga respondents asin bako akusado an mga nabanggit na opisyal.
Alinsunod an kasuguan korte makalihis na determinaran na igwa nin ‘probable cause’ na nagpapahiling na posibleng magdulag an mga respondents sa reklamo.
