Nangapodan si Senator Imee Marcos nin imbestigasyon sa Senado makalihis an trahedya sa Binaliw Sanitary Landfill sa Cebu City, na ikinagadan kan dae mababa sa 13 katawo.
Sa saiyang pigsunad nin Senate Resolution No. 244, obheto kan senador na aramon kun an landfill nagsusunod sa RA 9003 o sa Ecological Solid Waste Management Act of 2000 asin iba pang ley sa operasyon asin kaligtasan kan mga sanitary landfill.
Hihilingon man kan imbestigasyon an posibleng mismanagement, overfilling, regulatory lapses, asin an koneksyon kan pagbagsak sa 6.9-magnitude na linog kan Setyembre 2025.
Nanindugan si Marcos na dae dapat ini nangyari asin idinagdag na padagos na nangyayari an siring na mga trahedya huli sa dai pagsimbag sa mga peligro.
