Nagpahayag nin pagkontra si Senator Risa Hontiveros sa propuestong paggamit nin nuclear energy bilang panghaluyan na solusyon sa halangkaw na presyo kan kuryente asin kakulangan nin suplay kan enerhiya sa nacion.
Ginibo kan senadora anpahayag kasunod kan pangapudan ni Presidente Ferdinand Marcos Jr. sa saiyang ikalimang State of the Nation Address (SONA) kan Hulyo 27 na pag-adalan kan Kongreso an nuclear energy bilang parte kan plano kan gobierno na pakusugon an sektor kan enerhiya sa nacion.
Segun ki Hontiveros, bako siya uyon digdi huli ta wara man na sadiring pagkukuwaan an Pilipinas nin mga raw materials na kaipuhan sa pagkrear nin nuclear energy.
Sinabi man kan lehislador na an gabos na radioactive materials an kinakaipuhan na angkaton hali sa ibang nacion, asin hasta sa ngunyan an wara pa suboot na sierto na sistema an Pilipinas para sa salbadong pagtatapok kan radioactive waste.
Tinawan duon na sana ni Hontiveros na dapat na tawan na sana nin atensyon kan gobierno an pagpapauswag kan renewable energy sources na likas na igwa an nacion, siring kan solar, wind energy asin iba pa.
Segun sa senadora na dakol pang renewable energy resources sa Pilipinas an dae pa napapatalubo asin mas salbado an mga ini kumparar sa nuclear energy.
