Nagsangat si Senador Win Gatchalian nin sarong propuestong ley na obhetong ipagbawal an paggamit nin mobile services asin electronic gadgets sa oras nin klase.
Sa irarom kan Electronic Gadget-Free Schools Act (Senate Bill No. 2706), magigin mandato sa Department of Education (DepEd) an magbilog nin mga polisiya na nagbabawal sa paggamit nin mobile devices asin electronic gadget sa laog kan mga eskwelahan sa oras nin klase.
Alagad dawa nagtutubod si Gatchalian na importante an papel kan mga mobile device asin electronic gadget sa edukasyon, tinawang duon na pwedeng makaapektar ini sa pag-aadal lalo na kapag nakaka-istorbo sa oras kan klase.
Nagluwas sa resulta kan 2022 Programme for International Student Assessment (PISA) na walo sa sampulo na mga estudyante na edad 15-anyos an naireport na na-iistorbo sa paggamit kan smartphone sa klase.
Nagluwas sa pag-aadal na may kinaaraman an paggamit kan smartphone sa pagbaba kan 9.3 points sa mathematcs, 12.2 points sa science asin 15.04 sa reading.
