LEGAZPI CITY- Pighayag kan sarong senador na mientras na pigtutukar ninda an Tax Reform for Acceleration and Inclusion Act (TRAIN) sa Senado sinierto nindang matatawan nin tabang an mga namamanwang Pilipino.
Sa intrevista kan Bombo Radro Legazpi kay Senador Sherwin Gachalian, maabot sa P40 billion an nakatagamamng pondo para sa mga nagtitios na sektor na bastante sa laog nin tulong taon.
Katakod kaini, kinalampag kan senador an Department of Finance (DOF) na tulos na i-release an P300 na cash transfer para sa 10 million pamilya sa nasyon urog pa ngunyan na nagkakaigwa na nin paglangkaw sa nagkapirang babarakalon.
Ini an katakod na man suboot kan promesa kan ahensya na maire-release an nasambitan na pondo sa paglaog kan first quarter kan taon.
Aminado man an opisyal na konektado an kagutuman sa paglangkaw kan inflation sa nasyon.
Mientrastanto, dugang pa ni Gachalian na dakol nang pag-aadal an nagtaram na mantang naglalangkaw an presyo kan babarakalon, mas nagdadakula an posibilidad kan tagutom kaya sinierto kaini na matatawan nin tabang an mga nagtitios sa nasyon.
