Tinawan duon ni Senator Erwin Tulfo, na nagseserbing Senate Blue Ribbon Committee Chair, na bako lehitimo an ginibong committee hearing kan Hunyo 4 kasunod kan reorganisasyon sa Senado.
Sa saiyang opening statement, sinabi kan Senador na warang otorisasyon an pagdangog hali sa pigbibistong chairman kan komite asin hali sa opisina kan Acting Senate President.
Ginibo man suboot an committee hearing sa luwas kan Senate rules asin mga proseso kan institusyon.
Liwat man na pinahimutikan kan senador an alegasyon kan inapod kaining 18 “maleta boys” na nakaresibe siya nin kickback hali sa maanomalyang flood control projects.
Segun sa senador na warang naipresentar na dokumento an mga ini o anuman na kongretong ebidensya kundi anas tataramon sana.
Katakod kaini, tinawan duon ni Sen. Erwin Tulfo na mandato kan Senate Blue Ribbon Committee na siertuhon na an lambang alegasyon an nakabase sa ebidensya asin mapagkakatiwalaang testimoniya.
