Ipinapaubaya na suboot ni Sen. Erwin Tulfo sa Office of the Ombudsman an pagsusuri sa dagos na pagbawi ni Orly Guteza sa saiyang naenot na sinumpaang salaysay.
Magigiromdomang ginibo ni Guteza ang recantation kan Agosto 19, pirang bulan puon kan enot siyang lumutang sa Senate flood control invesigation asin inakusaran an pirang indibidwal na nakatanggap kan mga maleta nin cash bilang kickback sa mga flood control project.
Si Sen. Tulfo naman ang bagong chairperson kan makapangyarihang Senate Blue Ribbon Committee na nagsagibo nin mahigot na imbestigasyon sa nasabing iskandalo.
Segun ki Tulfo, sinabi niyang mas maray na ipaubaya na sana sa Tanodbayan ang imbestigasyon asin dagos na pagpapanimbag sa mga imbuelto.
Saro sana an obheto kan Ombudsman asin kan Senate panel, asin ini an mapanimbag an sisay man na imbuelto sa nasabing iskandalo, kaya an pinakamadaling proseso para sa accountability an mismong Tanodbayan na ang susuri sa gabos kan mga salik na bumabalot kaini.
Inihalimbawa kan senador an pirang personalidad na napakulong na kan Tanodbayan sa mga nakalihis na bulan, bilang patunay kan rikas nin piggibo kaining proseso.
Segun ki Sen. Tulfo, kung iagi pa sa Senate panel an sierto na aabuton pa nin pirang bulan na hearing. Aasikasuhon na man kan halangkaw na kapulungan ang 2027 National Budget – hudyat kan pagpuon kan budget season sa Kongreso.
Afuera digdi, ginugugol man kan Senado an tulong aldaw kada semana para sa impeachment trial, kaya segun sa Blue Ribbon chair, siguradong mas marikas an pag-usad kan kaso sa Tanodbayan.
