Tinawan duon ni Senator-judge Alan Peter Cayetano an importansya kan tamang paglalaan nin label sa mga dokumentong ipighahampang bilang ebidensya sa impeachment trial.
Segun ki Cayetano, posibleng malibong an publiko kun bako tugma an nakalaag sa titulo kan dokumento sa aktwal na laog kaini.
Partikular niyang tinukoy an dokumentong igwang titulong “Summary of Vice President Sara Duterte’s Shareholdings,” na suboot laog an mga datos dapit sa sarong korporasyon.
Pigduon ni Cayetano na importanteng maging malikay sa paglalaag nin label kan mga dokumento ngani na dae ma-prejudice an depensa asin an Vice President, urog pang ipigpapahiling an mga ini sa publiko sa paagi kan telebisyon asin iba pang platforms.
Inuyunan man ni presiding officer Chiz Escudero na pwedesir na itama an nasabing isyu sa paagi kan pagbabago kan title kan dokumento o pagsuway kan mga datos na direktang nagtutukoy sa bise presidente.
